हामी सबैकाे संसारन्यूज

काठमाडौं । नेकपा माओवादी केन्द्रको केन्द्रीय समितिको बैठक फागुन २० गते शुक्रवार बस्ने भएको छ ।

यसअघि विशेष त एमीसी परियोजनाका कारण पटक–पटक स्थगित हुँदै आएको केन्द्रीय समितिको बैठक यहि शुक्रबार बस्ने र त्यहि अनुसार तयारी भइरहेको केन्द्रीय कार्यालयका सचिव श्रीराम ढकालले बताएका छन् । उनका अनुसार केन्द्रीय सदस्यहरुलाई फोन र म्यासेजमार्फत् बैठकबारे जानकारी दिइएको छ ।

राष्ट्रियसभागृहमा शुक्रवार बिहान ११ बजे बस्ने भनिएको बैठकमा आठौं महासभिबेशनमा चयन गर्न बाँकीरहेका केन्द्रीय पदाधिकारीहरु चयन गर्न सकिने बताइएको छ ।

त्यस्तै यसघिका पार्टीभित्रका आन्तरिक विवादहरु आठौ महाधिबेशनले हल गरेको भएपछि पछिल्लो चरणमा अमेरिकी सहयोग परियोजना एमसीसी सम्झौताका कारण माओवादीकेन्द्रभित्र विवाद बढेको छ ।

संशोधन गरेर मात्र एमसीसी परियोजना संसदबाट अनुमोदन गराउने अडान लिएको माओवादीले पछिल्लोसमयमा १२ बुँदे ‘ब्याख्यात्मक टिप्पणी’सहित एमसीसी अनुमोदनमा सहमति जनाएपछि वरिष्ठ नेता नारायणकाजी श्रेष्ठ, गिरीराजमणि पोखरेल, देव गुरुङ लगायतले असन्तुष्टि जनाएका थिए ।