Sansar News
१८ फागुन, काठमाडौँ । कृषि विकास बैंक लिमिटेडको लाभांश शेयरधनीको सम्बन्धित खातामा जम्मा भएको छ । कृषि विकास बैंकले बोनस शेयर शेयरधनीको हितग्राही खातामा खातामा जम्मा गरिदिएको हो ।
कृषि विकास बैंकको पुस २९ गते समपन्न १५ औं वार्षिक साधारण सभाले पारित गरेको २० प्रतिशत बोनस शेयर शेयरधनीको डिम्याट खातामा जम्मा गरेको हो ।
बैंकले पुस १५ गतेसम्म शेयर अभौतिकीकरण गरेका शेयरधनीको खातामा उक्त बोनस जम्मा गरेको हो । साथै सो समयभन्दा पश्चात शेयर अभौतिकीकरण गराएका शेयरधनीको खातामा क्रमय बोनस जम्मा गर्ने भएकाले हालसम्म शेयर अभौतिकीकरण नगरेको शेयरधनीहरुले यथाशिघ्र शेयर अभौतिकीकरण गर्ने बैंकले भनेको छ ।
वि.सं.२०७८ फागुन १८ बुधवार १३:१३ मा प्रकाशित
