Sansar News
काठमाडौं । ललितपुरमा एकैघरका चारजना मृत भेटिएका छन् ।
ललितपुरको कोञ्ज्योसोम गाउँपालिका ४ नल्लुमा एकै परिवारका चारजना मृत फेला परेका छन् भने एकजना गम्भीर रहेका छन् ।
मृत्यु हुनेमा ५५ वर्षीया काइँली स्याङ्तान, उनकी बुहारी २३ वर्षीया सुष्मा स्याङतान्, ९ वर्षीय नाति आशिष स्याङतान र ७ वर्षीय नातिनी आस्मा स्याङतानको मृत्यु भएको जिल्ला प्रहरी कार्यालय ललितपुरले जनाएको छ ।
त्यसैगरी घाईते २ जना मध्ये दुईदिने नाबालकको उपचारका क्रममा मृत्यु भएको छ भने २२ वर्षीय शुभ तामाङको अस्पतालमा उपचार भइरहेको छ ।
उनीहरु आफ्नै घरभित्र आज बिहान मृत फेला परेको प्रहरीले जनाएको छ । उपचारको क्रममा दुई दिनको अर्का एक नाबालकको पनि मृत्यु भएको छ । गम्भीर अवस्थाका २२ वर्षीय शुभ तामाङको अस्पतालमा उपचार भइरहेको छ ।
ललितपुर प्रहरी प्रमुख यज्ञविनोद पोखरेल र फरेन्सिक डाक्टरसहितको टोली थप अनुसन्धानका लागि घटनास्थलमा पुगेको छ ।
प्रहरीको प्रारम्भिक अनुसन्धानमा सुत्केरी भएकी बुहारी शुष्मा र बच्चाका लागि आगो बालेर सुतेका उनीहरुको निसासिएर मृत्यु भएको हुन सक्ने बताइएको छ ।
वि.सं.२०७८ फागुन २३ सोमवार १२:१० मा प्रकाशित
