Sansar News
काठमाडौं । नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’का छोरी र ज्वाईँ नै पार्टीको केन्द्रीय सदस्य बनेका छन् । केन्द्रीय कमिटीलाई पूर्णंता दिने क्रममा प्रचण्डले आफ्नी कान्छी छोरी गंगा दाहाल र उनका पति जीवन आचार्यलाई केन्द्रीय सदस्यमा समेटेका हुन् ।
केन्द्रीय सदस्यमा समेटिएकी गंगा दाहाल बागमती प्रदेशबाट खसआर्य महिलाबाट चयन भएकी हुन् भने ज्वाईँ आचार्य प्रदेश १ को खसआर्य पुरुष युवाबाट समेटिएका हुन् ।
प्रचण्डले यसअघि नै छोरी रेणु दाहाल र बुहारी बिना मगरलाई केन्द्रीय सदस्य बनाइसकेका छ्न्। अध्यक्ष प्रचण्डले सोमबारको केन्द्रीय समिति बैठकमा ९७ जनाको नाम पेस गरेका थिए । ९७ जनामा खुलातर्फ ५५ तथा समानुपातिक तर्फ ४२ जना छन् ।
गत पुस तेस्रो साता सम्पन्न आठौं महाधिवेशनले पछि पूर्णंता दिने गरि २३६ सदस्यीय केन्द्रीय कमिटीको नाम अनुमोदन गरेको थियो । जसअनुसार प्रचण्डले केही नाम थपेर केन्द्रीय समितिलाई बढाएका हुन् ।
यस्तो छ थपिएका केन्द्रीय सदस्यहरुको सूची
वि.सं.२०७८ फागुन २३ सोमवार १५:१३ मा प्रकाशित
