हामी सबैकाे संसारन्यूज

काठमाडौं । नेकपा (माओवादी केन्द्र)ले स्थानीय तहको निर्वाचनअघि पदाधिकारी, स्थायी समिति र पोलिट्ब्युरो नबनाउने भएको छ । आन्तरिक सहमति जुट्ने स्थिति नभएपछि पदाधिकारी, स्थायी समिति र पोलिट्ब्युरो गठन गर्न चुनाव पछि भाका राखेको हो ।

केन्द्रीय समिति बैठकको निर्णयबारे जानकारी दिँदै नेता वर्षमान पुनले समयको अभाव भएको कारण तत्काल पदाधिकारी, स्थायी समितिलगायतका विषयमा प्रवेश नगरिएको बताए । “समयको अभावका कारण हामी अहिले चुनावअघि पदाधिकारी, स्थायी समिति र पोलिट्ब्युरो बनाउँदैनौँ”, उनले भनेका छन् ।

तर, अध्यक्षलाई निर्णय गर्न सहयोगीका रूपमा सानो आकारको केन्द्रीय कार्यालय बनाउने तयारी भएको उनले बताए । पार्टीका संरचनामा पदाधिकारी नहुँदा चुनावलाई प्रभाव नपर्ने बताएका उनले विचार र नीतिले निर्वाचनमा अर्थ राख्ने बताए ।