Sansar News
मोरङ । प्रदेश नं १ का मुख्यमन्त्री राजेन्द्रकुमार राईले समाज र देशको चौतर्फी विकासका लागि महिलाको समानुपातिक प्रतिनिधित्व थप हुन आवश्यक भएको बताएका छन् । सामाजिक विकास मन्त्रालयद्वारा ११२औँ अन्तर्राष्ट्रिय महिला दिवसको उपलक्ष्यमा आज आयोजित कार्यक्रमको उद्घाटन गर्दै मुख्यमन्त्री राईले यस्तो बताएका हुन् ।
मुख्यमन्त्री राईले महिलालाई शिक्षाबाट वञ्चित गरेमा मुलुकको विकासमा बाधा पुग्ने बताएका छन् । मुख्यमन्त्री राईले राज्यले उनीहरुलाई समान हक र समान सहभागिता दिलाउन आवश्यक नीति र कानुन बनाउनुपर्ने आवश्यकता समेत औल्याउदै समाजमा भ्रुण हत्या जस्तो अवैध कार्य भइरहेकाले सबैले यस कार्यलाई अविलम्ब रोक्नुपर्नेमा जोड दिए ।
वि.सं.२०७८ फागुन २४ मंगलवार १२:५६ मा प्रकाशित
