हामी सबैकाे संसारन्यूज

काठमाडौं । एकीकृत समाजवादीका अध्यक्ष माधवकुमार नेपालसहित १४ सांसदविरुद्व नेकपा (एमाले)का अध्यक्ष केपी शर्मा ओलीले दायर गरेको मुद्दामाथि आज सुनुवाई हुने भएको छ । ओलीले माधवसहित १४ सांसदको पद, एकीकृत समाजवादीको वैधानिकता र सभामुखको निर्णयको विषयमा दायर रिटको पेसी तोकिएको हो ।

न्यायाधीश ईश्वरप्रसाद खतिवडा र कुमार चुडालको इजलासमा पेसी तोकिएको छ । यसअघि यो मुद्दा निरन्तर स्थगन हुँदै आएको छ ।

प्रमुख प्रतिपक्षी एमालेले यही विषयलाई नै लिएर संसदमा निरन्तर अवरोध गर्दै आएको छ । एमालेले १४ सांसदको राजीनामा वा सभामुखको राजीनामा भन्ने अडान राखिरहेको छ ।

एमाले अध्यक्ष ओलीले गत भदौ १७ सर्वोच्चमा रिट दायर गरेका थिए । ओलीले सभामुख अग्निप्रसाद सापकोटा, निर्वाचन आयोग र लुम्बिनी प्रदेशका सभामुख पूर्णंबहादुर घर्तीविरुद्व छुट्टा–छुट्टै रिट दायर गरेका थिए ।