Sansar News
काठमाडौं । नेपालमा कोरोनाका थप ७३ संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार आज गरिएको ५,०६२ नमुना परीक्षणमा ७३ जना नयाँ संक्रमित थपिएका हुन् ।
आज थपिएका ७३ जनासँगै नेपालमा हालसम्म संक्रमित हुनेको संख्या ९ लाख ७७ हजार ८७८ पुगेको छ भने आज निको भएका १९२ जनासँगै संक्रमणबाट मुक्त हुनेको संख्या ९ लाख ६० हजार ८७८ पुगेको छ ।
त्यसैगरी नेपालमा केही दिनयता कोरोना संक्रमणबाट मृत्यु हुनेको ंसख्या शून्य रहेको छ । नेपालमा हालसम्म ११ हजार ९५० जनाको संक्रमणका कारण मृत्यु भएको छ ।
त्यसैगरी हाल देशैभरी ५,०५० सक्रिय संक्रमित रहेका छन् । ती मध्ये ४,९४९ जना होम आइसोलेशन र १०१ जना संस्थागत आइसोलेशनमा रहेका छन् । साथै ४० जना आइसीयु र ६ जनाको भेन्टिलेटरमा उपचार भइरहेको छ ।
मन्त्रालयका अनुसार पछिल्लो २४ घण्टामा १ लाख १ हजार ३०४ मात्रा कोरोनाविरुद्धको खोप लगाएका छन् ।
वि.सं.२०७८ फागुन २९ आइतवार १७:२१ मा प्रकाशित
