हामी सबैकाे संसारन्यूज

काठमाडौं । शिक्षा, विज्ञान तथा प्रविधि मन्त्रालय अन्तर्गतको शिक्षा तथा मानवस्रोत विकास केन्द्रले कक्षा १० सम्मका विद्यालयले लिने परीक्षा २०७९ बैशाखमा संचालन गर्ने र बैशाख अन्तिममा नतिजा प्रकाशन गर्न निर्देशन दिएको छ ।

केन्द्रले माध्यमीकतहको कक्षा १० को एसईई परीक्षा बैशाख ९ गतेदेखि सन्चालन गर्ने गरी कार्यतालिका सार्वजनिक भइसकेको अवस्थालाई समेत विचार गरी स्थानीयतहले कक्षा ८ को परीक्षा समेत २०७९ बैशाखमा अनूकुल समय मिलाई सन्चालन गर्न निर्देशन दिएको छ ।

‘विद्यालयतहको शैक्षिक शत्र २०७९ को नयाँ भर्ना समेत बैशाख महिनामा सुरु गर्ने । २०७९ जेठ १ गतेबाट नियमित पठनपाठन तथा सिकाई क्रियाकलाप एवं परीक्षा र मूल्यांकनका कार्यहरु सकिने गरी विद्यालयले स्थानीय तहसँगको समन्वयमा बार्षिक शैक्षिक कार्यतालिका तय गर्न सम्न्वय गर्ने’ केन्द्रद्धारा जारी सूचनामा भनिएको छ ।