हामी सबैकाे संसारन्यूज

काठमाडौं । बलात्कारको आरोपमा पक्राउ परेका नेकपा एमालका नेता तथा मुगुका सांसद मोहन बानियाँ पाँचलाख धरौटी बुझाएर छुटेका छन् ।

प्रहरी हिरासतमा रहेका बानियाँलाई जिल्ला अदालत बाँकेका न्यायाधिश इश्वरी भट्टराईको इजलासले पाँचलाख धरौटीमा छोड्न आदेश दिएपछि उनी धरौटी बुझाएर बुधबारै पुर्पक्षका लागि धरौटीमा रिहा भएका हुन् ।

बानियाँविरुद्ध जुम्लाकी ४० वर्षीया एक महिलाले बाँकेको एक होटलमा राखेर आफु्माथि जवर्जस्ती करणी गरेको आरोप लगाउँदै जिल्ला प्रहरी कार्यालय बाँकेमा जाहेरी दिएकी थिइन् ।

बानियाँले ती महिलालाई पैसा तिर्न भएको र उक्त पैसाको चेक लिन होटलमा बोलाई त्यहि बास बस्न लगाएर जवर्जस्ती करणी गरेको ती महिलाले जाहेरी दिएकी थिइन् । बलात्कारको आरोप लागेका बानियाँ प्रतिनिधिसभाबाट समेत निलम्बनमा परेका छन् ।