Sansar News
काठमाडौं । नेपालमा पछिल्लो २४ घण्टामा गरिएको ४,३४२ नमुना परीक्षणमा १८ जनामा संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार आज थपिएका १८ जनासँगै नेपालमा हालसम्म ९ लाख ७८ हजार ३०९ जनामा कोरोना संक्रमण पुष्टि भएको छ । साथै आज निको भएका २७१ जनासँगै नेपालमा हालसम्म कोरोना संक्रमणबाट मुक्त हुनेको संख्या ९ लाख ६४ हजार ३९८ पुगेका छन् ।
त्यसैगरी आज कोरोना संक्रमणबाट मृत्यु हुनेको संख्या शून्य रहेको छ । नेपालमा हालसम्म कोरोना संक्रमणबाट ११ हजार ९५१ जनाको मृत्यु भएको छ ।
नेपालमा हाल १,९६० जना सक्रिय संक्रमित रहेका छन् । ती मध्ये १९१६ जना होम आइसोलेशनमा रहेका छन् भने ४४ जना संस्थागत आइसोलेसनमा रहेका छन् । साथै आइसीयुमा २१ र भेन्टिलेटरमा २ जनाको उपचार भइरहेको छ ।
नेपालमा थप ६४ हजार ३४७ मात्रा कोरोनाविरुद्धको खोप लगाइएको छ ।
वि.सं.२०७८ चैत ११ शुक्रवार १६:४७ मा प्रकाशित
