हामी सबैकाे संसारन्यूज

काठमाडौं । रुस र युक्रेनबीच चलिरहेको युद्ध नरोकियोस् र यस्तो विनाश जारी नै होस् भनेर खतरनाक षड्यन्त्र रचिएको छ । यही षड्यन्त्रअन्तर्गत दुई देशबीच मेलमिलापको प्रयासमा लागेका शान्ति वार्ताकारहरूलाई निशाना बनाइँदैछ । वाल स्ट्रिट जनरलको रिपोर्टका अनुसार रुसी अर्बपति रोमन अब्रामोविच र युक्रेनी शान्ति वार्ताकारहरूलाई वार्ताकै क्रममा विष दिइएको थियो। दुबैको शरिरकाे जाँच गर्दा विषको निशान भेटिएको छ । यद्यपि, विषकाे विषयमा क्रेमिलोनबाट कुनै प्रतिक्रिया आएको छैन।

शरीरबाट छाला अलग हुन थालेको थियो

रिपोर्टका अनुसार अब्रामोविच र अन्य वार्ताकारहरूमा देखिएका लक्षणहरू विषका थिए । बोल्दा उनीहरुका आँखा राता भएका थिए । शरीरमा कडा पीडा थियो र आँसु निरन्तर बगिरहेको थियो। यसबाहेक उनीहरुको हात र अनुहारबाट छाला पनि निस्कन थालेका थिए । क्राइमियाका सांसद उमरोभ पनि यस घटनाको शिकार भएका छन्।

विष दिने षड्यन्त्र रचियो

क्रेमलिनका अनुसार रुस र युक्रेनबीचको शान्ति वार्तामा रुसी अर्बपति अब्रामोभिचले पहिलो भूमिका खेलेका थिए । त्यसपछि यो प्रक्रिया दुवै देशका प्रतिनिधिमण्डलको हातमा हुन्छ । वास्तवमा, अब्रामोविचले रुसी आक्रमण रोक्न युक्रेनको अनुरोधलाई स्वीकार गरेका थिए।

कसले षड्यन्त्र गरिरहेको छ ?

वाल स्ट्रिटको रिपोर्टअनुसार रसियाका युद्ध समर्थकहरूले शान्ति वार्तालाई सफल हुन नदिन यस्तो षड्यन्त्र रचेका थिए। युक्रेनी टोलीका दुई वरिष्ठ सदस्य पनि घटनामा परेका थिए। तर, विष खुवाउनुको उद्देश्य कसैको ज्यान लिनु नभई चेतावनी दिनु रहेको पनि बताइएको छ ।

फेरि वार्ता हुने भएको छ

युद्ध रोक्न दुवै देशका नेता आज टर्कीको इस्तानबुलमा फेरि भेट्न लागेका छन् । यसैबीच युक्रेनले शान्ति वार्ताको प्रस्ताव गरेको छ । तर, पुटिनले सर्तहरू नमान्दासम्म नरोक्ने स्पष्ट जवाफ दिएका छन् । यो वार्तामा दुवै देशका नेताहरुले न खाने न पिउने बताइएको छ । एजेन्सीबाट