हामी सबैकाे संसारन्यूज

काठमाडौं । गैरआवासीय नेपाली संघ (एनआरएनए) को २०२१–०२३ का लागि नवनिर्वाचित नयाँ कार्यसमितिको पहिलो बैठक सम्पन्न भएको छ ।

मार्च २९ का दिन सम्पन्न पहिलो बैठकमा नवनिर्वाचित अध्यक्षहरुद्वारा २०२१–०२३ कार्यकालका पदाधिकारी तथा आइसिसि सदस्यहरुलाई सपथग्रहण तथा प्रमाणपत्र वितरण गर्दै विभिन्न निर्णयहरु गरिएको छ ।

निर्णयमा आगामी कार्यकाल संचालनको लागि कार्यविधि तयार गर्न उपाध्यक्ष डा हेमराज शर्माको नेतृत्वमा महासचिवद्धय गौरीराज जोशी र डा. केशव पौडेल, प्रवक्ता सोम सापकोटा र शिवकुमार बरुवाल रहने गरी कार्यदल गठन गरिएको बताइएको छ ।

त्यस्तै परोपकारी परियोजना अन्तर्गत काठमाडौस्थित पशुपति क्षेत्रमा १०० कोठाको आधुनिक सुविधा सम्पन्न बृद्धाश्रमको निर्माण गर्ने निर्णय अनुरुप नवनिर्वाचित अध्यक्ष कूल आचार्यको १ करोड तथा बैठकमा सहभागी अन्य पदाधिकारी तथा कार्यसमितिका सदस्यहरुबाट २,५६,५०, २२२ गरी जम्मा ३,५६,५०,२२२ (तीन करोड छपन्न लाख पचास हजार दुइ सय बाइस) को प्रतिबद्धता प्राप्त भएको बताइएको छ ।

त्यस्तै एनसिसिहरुमा भएका समस्या समाधानकालागि महासचिवद्वय गौरीराज जोशी र डा केशव पौडेलाई क्षेत्रीय संयोजकहरुसंग समन्वय गरि समाधान गर्ने जिम्मा दिइएको निर्णयमा उल्लेख गरिएको छ ।

कार्यसमितिको अर्को बैठक अप्रिल तारिख नेपाली समय ४ बजे बस्ने प्रवक्ता शिव कुमार बरुवाल र सोम सापकोटाले जनाएका छन् ।