Sansar News
काठमाडौं । मेडिकल व्यवसायी तथा एमाले नेता दुर्गा प्रसाईले आगामी निर्वाचनमा एकीकृत समाजवादीले एक सिट पनि नजित्ने दाबी गरेका छन् । भक्तपुरमा तरकारी बजारको बुधबार उद्घाटन कार्यक्रममा बोल्दै उनले माओवादी र एकीकृत समाजवादीले एक सिट पनि नजित्ने दाबी गरे ।
“अरुको भन्दिन माओवादी र नेकपा एस भन्ने नक्कली कम्युनिष्ट पार्टीहरूले नेपालको कुनै पनि निर्वाचन क्षेत्रबाट एक मात्र पनि सिट जितेछन् भने मेरो सम्पूर्ण सम्पत्ति तिनीहरूले इच्छ्याइएको व्यक्तिको नाममा पास गरेर सन्यास ग्रहण गरेर बृन्दावन जानेछु”, प्रसाईँले भने, “मेरो यही भनाइलाई प्रमाण मानेर दाबी लिए पुग्छ ।”
माओवादी र एकीकृत समाजवादीले कम्युनिष्टको नाममा बेइमानी र कुठाराघात गर्ने काम मात्र गर्दै आएको उनको दाबी छ ।
वि.सं.२०७८ चैत १६ बुधवार १३:५४ मा प्रकाशित
