हामी सबैकाे संसारन्यूज

टिका कुरुम्बाङ, काठमाडौं । प्रधानमन्त्री शेर बहादुर देउवा शुक्रवार भारत भ्रमणमा जादैछन् ।

प्रधानमन्त्रीको भारत भ्रमणका विषयलाई लिएर आज बिहान बसेको मन्त्रिपरिषद्को बैठकले प्रधानमन्त्रीको भारत भ्रमण स्वीकृत गरेको छ । साथै सोहि भ्रमणमा चारजना मन्त्री पनि सहभागी हुने बताइएको छ ।

मन्त्रि परिषद्को निर्णय अनुसार उक्त भ्रमणमा परराष्ट्रमन्त्री नारायण खड्का, ऊर्जामन्त्री पम्फा भुसाल, स्वास्थ्यमन्त्री विरोध खतिवडा र कृषि मन्त्री महिन्द्र राय यादव सहभागी हुने स्रोतले जनाएको छ ।

शुक्रवार भारत भ्रमणमा निस्कने प्रधानमन्त्री देउवाले शनिवार आफ्ना समकक्षी नरेन्द्र मोदीसँग भेटवार्ता गर्ने कार्यक्रम रहेको बताइएको छ ।

तीन डिआइजी एआइजीमा बढुवा
त्यसैगरी सोहि मन्त्रिपरिषद्को बैठकले तीन डिआइजीलाई एआइजीमा बढुवा गर्ने निर्णय गरेको छ ।

बैठकले प्रहरीका तीन प्रहरी नायव निरीक्षक (डिआइजी) लाई अतिरिक्त महानिरीक्षक (एआइजी) मा बढ्वा गर्ने निर्णय गरेको हो । उक्त बैठकले वसन्तकुमार पन्त, धीरजप्रताप सिंह र रवीन्द्रबहादुर धानुकलाई एआईजीमा बढुवा गरेको हो ।
चैत १ गते गृहमन्त्रालयका सचिव टेक नारायण पाण्डे नेतृत्वको बढुवा समितिले सिंह, पन्त र धानुकलाई एआइजीमा बढुवा गर्न सिफारिस गरेको थियो । सोहि सिफारिसलाई मन्त्रिपरिषद्को आजको बैठकले स्वीकृत गरेको हो ।

त्यस्तै बैठकले तेजाब आक्रमणविरुद्ध र यौन हिंसाविरुद्धको अध्यादेश ल्याउने निर्णय गरेको छ ।