हामी सबैकाे संसारन्यूज

काठमाडौं । नेपाल कम्युनिस्ट पार्टी (नेकपा)का महासचिव नेत्रविक्रम चन्द ‘विप्लव’ले संसदबाट पास हुँदैमा अमेरिकी आर्थिक सहयोग परियोजना एमसीसी लागू हुन नसक्ने बताएका छन् । वैज्ञानिक समाजवादी कम्युनिस्ट पार्टीको कार्यक्रमलाई काठमाडौंमा सम्बोधन गर्दै विप्लवले नेपालमा साम्राज्यवादको अतिक्रमण कुनैपनि हालतमा रोकिने बताएका हुन् ।

एमसीसीपछि देशको आस्था गोमन साफको लपेटामा परेजस्तो भएको उनको टिप्पणी छ । एमसीसी खारेज गराउन नयाँ मोर्चा खोल्ने विप्लवले बताए ।

“हाम्रो विरोधका कारण अपर कर्णाली रोकेर राखेका छौं, कर्णालीलाई अपहरण गरेर लखनउ पुर्याउने षडयन्त्र रोक्यौँ”, विप्लवले भने, “संसदको स्वीकृतिले एमसीसी लागू हुन सक्दैन, एमसीसीबाट नयाँ मोर्चा खोल्नुपर्छ । नेपालबाट साम्राज्यवादको अतिक्रमण रोक्नु पर्छ ।”