हामी सबैकाे संसारन्यूज

काठमाडौं । राष्ट्रिय भूमि आयोगले भूमिहीन, दलित र भूमिहीन सुकुम्बासीलाई जग्गा उपलब्ध गराउने र अव्यवस्थित बसोबारीको व्यवस्थापन गर्ने प्रयोजनका लागि ३५ दिने सूचना प्रकाशित गरेको छ । आयोगले गत पुस २५ गते ६८ वटा स्थानीय तहहरुका लागि ३५ दिने सूचना प्रकाशित गरिएकोमा स्थानीय तहहरुले विभिन्न कारण देखाई लगत संकलनको काम सम्पन्न हुन नसकेको भनी आयोगमा पुनः सूचना प्रकाशनका लागि अनुरोध गरे पछि शुक्रबार पुनः सूचना प्रकाशन गरेको हो ।

आयोगले भूमिहीन, दलित र भूमिहीन सुकुम्बासीलाई जग्गा उपलब्ध गराउने र अव्यवस्थित बसोबारीले जग्गा पाउन आयोगले तोकेको ढाँचा बमोजिम निवेदन फाराम भरी सूचना प्रकाशित भएको मितिले ३५ दिनभित्र स्थानीय तहबाट वडाले तोकेको स्थानहरुमा खटिएको लगत संकलक मार्फत पेस गर्न सकिने सार्वजनिक सूचनामा उल्लेख गरिएको छ । यसअघि निवेदन गरिसकेका भूमिहीन, दलित र भूमिहीन सुकुम्बासीहरुले पुनः निवेदन दिन नपर्ने तर निस्सा लिन सम्बन्धित वडामा सम्पर्क गर्नु पर्ने सूचनामा जनाइएको छ ।
सूचना :