Sansar News
काठमाडौं । सरकारले विभिन्न २० देशका लागि राजदूत सिफारिस गरेको छ ।
बिहीबार बसेको मन्त्रिपरिषद्को बैठकले महत्वपूर्ण मानिएको चीनमा नेकपा माओवादी केन्द्रका नेता विष्णुपुकार श्रेष्ठलाई सिफारिस गरेको छ ।
पार्टीका आमन्त्रीत स्थायी समिति सदस्य रहेका नेता श्रेष्ठ सो पार्टीको निर्वाचन आयोग प्रमुख समेत हुन् ।
त्यसैगरी स्पेनका लागि शर्मिला पराजुली ढकाल रहेकी छन् । ढकाल यसअघि ओमानको राजदूत रहीसकेकी छन् ।
सरकारले अष्ट्रेलियाका लागि कैलाश पोखरेल, रसियाका लागि मिलन तुलाधर, दक्षिण अफ्रिकाका लागि दानबहादुर तामाङ, श्रीलंकाका लागि बासुदेव मिश्र, मलेसियाका लागि डिल्लीराज पौडेल, इजरायलका लागि शान्ता रिजाल, दक्षिण कोरियाका लागि ज्योति प्याकुरेल, डेनमार्कका लागि प्रा.डा. रामसोगरथ राय यादव, साउदी अरेबियाका लागि नवराज सुवेदी र नरेशविक्रम ढकाल पनि राजदूतमा सिफारिस भएका छन् ।
त्यस्तै परराष्ट्र मन्त्रालयका कर्मचारीहरुबाट घनश्याम भण्डारी, हरिशचन्द्र घिमिरे, तीर्थराज वाग्ले, डोरनाथ अर्याल, सुशीलकुमार लम्साल, भरतकुमार रेग्मी, निर्मलराज काफ्ले र दुर्गाबहादुर सुवेदीको नाम पनि राजदूतमा सिफारिस भएको बताइएको छ ।
वि.सं.२०७८ चैत २४ बिहीवार २१:१५ मा प्रकाशित
