हामी सबैकाे संसारन्यूज

काठमाडौं । यूनाइटेड इन्स्योरेन्स कम्पनी (नेपाल) लिमिटेडले ८५ हजार ५६९ कित्ता संस्थापक सेयर बिक्री गर्ने भएको छ ।

कम्पनीले संस्थापक सेयरधनी सनराइज बैंकको नाममा रहेको ५ हजार ८२७ कित्ता र एक्सेल डेभलपमेन्ट बैंकको नाममा रहेको ७९ हजार ७४२ कित्ता सेयर बिक्री गर्न लागेको जनाएको छ ।

सनराइज बैंकको प्रतिकित्ता मूल्य २२५ रुपैयाँ र एक्सेल डेभलपमेन्ट बैंकको प्रतिकित्ता मूल्य रुपैयाँ २९८ तोकिएको छ । एक्सेल डेभलपमेन्ट बैंकको सेयर खरीद गर्दा न्यूनतम ५ हजार कित्ता सेयरको लागि निवेदन दिन सक्ने व्यवस्था छ ।

उक्त सेयर खरीदका लागि संस्थापकहरुलाई प्राथमिकता दिनुपर्ने भएकाले तोकिएको मितिभित्र कम्पनीको केन्द्रीय कार्यालय ट्रेड टावर थापाथली, काठमाडौंमा निवेदन पेश गर्न कम्पनीले आग्रह गरेको छ ।

उक्त समय अवधिमा सेयर खरीद गर्न निवेदन नआएमा अन्य खरीदकर्तालाई बिक्री गर्ने कम्पनीले जनाएको छ ।