हामी सबैकाे संसारन्यूज

काठमाडौ । नेपाली कांग्रेस भतपुरका दर्जनौं कार्यकर्ताले पार्टीबाट सामुहिक राजीनामा दिने घोषणा गरेका छन् ।

देशैभरीका ६ महानगरपालिका मध्ये अत्यन्तै चर्चामा आएको भरतपुर महानगरपालिकाको मेयर पद केन्द्रले अन्य दललाई दिन लागेको भन्दै त्यहाँका कांग्रेस कार्यकर्ताले शनिबार सामुहिक राजीनामाको घोषणा गरेका हुन् ।

यसअघि पनि गठबन्धनबाट कांग्रेसबाहेक अन्य दललाई मेयर पद दिन लागिएको भन्दै स्वतन्त्र उममेदवार उठाउने चेतावनी दिँदै आएको चितवन कांग्रेसले अन्नतः शनिबार सामुहिक राजीनामा दिने घोषणा गरेका हुन् ।

स्थानीय नेता प्रकाश कँडेलको संयोजकत्वमा शनिबार भरतपुरको १७ बेलुवा टोलमा एक कार्यक्रम आयोजना गरि ५० जनाले स्वतन्त्र अभियानका लागि भन्दै राजीनामाको घोषणा गरेका हुन् ।

साधारण सदस्यको उक्त भेलामा पार्टी नेतृत्व सत्तालिप्त भएको आरोप लगाउदै पूर्व वडा अध्यक्ष, पार्टीका पूर्व वडा सभापतिहरुले आफुहरु स्वतन्त्र रहेको घोषणा गरेका हुन् ।

चैत २४ गते स्थानीयतहको निर्वाचनमा भरतपुर महानगरपालिका अरु दललाई दिन नसकिने भन्दै पार्टीका वरिष्ठ नेता तथा गठबन्धनका तर्फबाट निर्वाचन तयारी तथा अनुगमन समितिका संयोजक रामचन्द्र पौडेललाई ज्ञापनपत्र बुझाएका थिए । साथै २९ चैतमा महानगरका २७ वटा वडा सभापतिहरुको आकस्मिक बैठक बसेर महानगरपालिकाको मेयर, उपमेयर, वडाअध्यक्ष र वडासदस्य सबै पदमा आफ्नो उम्मेदवारी नछोड्ने बताउँदै नेतृत्वलाई खबरदारी समेत गरेका थिए ।

भरतपुर महानगरको कुनैपनि पदमा गठबन्धन नगर्ने भन्दै चितवन कांग्रेसले दियो यस्तो चेतावनी