Sansar News
काठमाडौं । नेपाली कांग्रेस चितवनले भरतपुर महानगरपालिकाका कुनैपनि पदमा गठबन्धन नगर्ने निर्णय गरेको छ ।
महानगरका २७ वटा वडा सभापतिहरुको आज बसेको आकस्मिक बैठकले महानगरपालिकाको मेयर, उपमेयर, वडाअध्यक्ष र वडासदस्य सबै पदमा कांग्रेसल आफ्नो उम्मेदवारी नछोड्ने बताउँदै नेतृत्वलाई खबरदारी गरेका हुन् ।
केन्द्रले जिल्ला तथा महानगरमा गठबन्धन गर्ने निर्णय गरेपनि वडासभापतिहरुले कुनैपनि गठबन्धन नगर्ने निर्णय गरेको र उक्त निर्णय विपरीत गरिएमा सबै वडाहरुमा नेपाली कांग्रेसका अध्यक्ष सहित ५ जना नै उम्मेदवार उठाउने र गठबन्धनका सबै उम्मेदवार बहिष्कार गर्ने चेतावनी समेत दिएको छ ।
‘मेयर, उपमयेरसहित सबै वडाहरुमा नेपाली कांग्रेसको अध्यक्षसहित ५ जनानै उम्मेदवार उठाउने निर्णय गर्नुका साथै गठबन्धनका सबै उम्मेदवारलाई बहिस्कार गर्ने निर्णय गरियो ।’ बैठकले गरेको निर्णय पत्रमा भनिएको छ ।
वि.सं.२०७८ चैत २९ मंगलवार १८:२० मा प्रकाशित
