हामी सबैकाे संसारन्यूज

मुगु संसार न्यूज । नेपाली कांग्रेस मुगुले झण्डै ३१ बर्षपछि आफनै पार्टी कार्यालय भवन बनेको छ ।

बिस २०४७ सालमा स्वर्गीय बखतबहादुर शाहीको सभापतित्वमा स्थापना भएको कांग्रेसले ३१ बर्षपछि कार्यालय भवन बनाउन सफल भएको हो ।

उक्त भवनलाई बिपि प्रतिष्ठान नामाकरण गरिएको छ । भवनलाई रंगरोगन गरि चिटिक्क पारिएको छ । ३० बर्ष सम्म सदरमुकाममा भाडामा रहदै आएको पार्टी कार्यालय बैशाख १ गतेदेखि बिधिवत रुपमा नयाँ कार्यालय भवनमा सारेर कांग्रेसले कामकाज बैठक सभा समिक्षा गर्न थालेका छन् ।

तीन दशकपछि बनेको नयाँ पार्टी कार्यालय भवनमा सरेर काम गर्नु पाएकोमा पार्टी सभापति ऐनबहादुर शाहीले खुसी व्यक्त गरे । पार्टी कार्यालय भवन निर्माणमा सहयोग गर्ने छायाँनाथ रारा नगरपालिका मेयर हरिजंग शाहीलाई सभापतिले धन्यबाद समेत दिएका छन् ।

नयाँ पार्टी कार्यालय भवन निर्माण हुँदा कांग्रेसका कार्यकर्ता जिल्ला पदाधिकारीका सदस्य महासमिति महाधिबेशन प्रतिनिधि समेत उत्साहित भएको सभापति शाहीले जानकारी दिए ।

सभापतिले नवनिर्मित भवनमा सरेको कांग्रेसलाई आगामी दिन शुभ हुने तथा निर्बाचन जित्न सफल हुने बताए । पक्की दुईतले तल्लो भागमा सभाहल र माथिल्लो कोठाहरु क्रमसः सभापति उपसभापति सचिव कक्ष समेत बनाइएको छ । बजेट जुटाएर यो आर्थिक बर्षमा माथिल्लो तला थप्ने कांग्रेसको भनाई छ ।

२०४७ साल मुगुमा स्थापना भएको कांग्रेसले धेरै समय पछि आफनै कार्यालय भवन पाएको कांगे्रस बरिष्ठ नेता हस्तबहादुर मल्लको भनाई छ । मल्लले भने यो एउटा पार्टीको ठूलो सम्पति हो सबैले संरक्षण गर्न जरुरी छ । उक्त पार्टी कार्यालय भवन प्रधानमन्त्री शेरबहादुर देउवाले भर्चुअल माध्यमबाट उदघाटन गरेकोे सभापति शाहीले बताए ।