Sansar News
काठमाडौं । नेकपा (एकीकृत समाजवादी) पार्टीले आगामी वैशाख ३० मा हुने स्थानीय तह निर्वाचनको लागि घोषणापत्र सार्वजनिक गरेको छ । मंगलबार राष्ट्रिय सभागृहमा आयोजित कार्यक्रममा पार्टी अध्यक्ष माधव कुमार नेपालले घोषणा पत्र सार्वजनिक गरेका हुन् ।
निर्वाचन घोषणापत्रमा एकीकृत समाजवादीले आफुँलाई एमालेको सच्चा उत्तराधिकारी भएको जिकिर गरेको छ । एकीकृत समाजवादीले पुष्पलाल श्रेष्ठको नेतृत्वमा गठन भएको नेपाल कम्युनिष्ट पार्टीको पछिल्लो रुपमा आफुँहरु भएको दाबी गरेको छ ।
“हामी २००६ साल वैशाख १० गते कमरेड पुष्पलालका नेतृत्वमा गठन भएको नेपाल कम्युनिस्ट पार्टीका सच्चा उत्तराधिकारी हौँ । हामी नै कम्युनिस्ट आन्दोलनको एकता अभियानका सच्चा अभियन्ता हौँ । हामी तत्कालीन नेकपा (माले) र मार्क्सवादीबीच एकीकरण भई बनेको नेकपा (एमाले) का उत्तराधिकारी हौँ”, घोषणापत्रमा भनिएको छ, “कमरेड पुष्पलालको समयदेखि नै हामी नेपाली कम्युनिस्टहरू बलियो, स्वच्छ, जवाफदेही, जनसेवी र पारदर्शी स्थानीय सरकार निर्माण गर्ने पक्षमा अविचलित रूपमा सङ्घर्षशील रहिआएका छौं । कम्युनिस्ट आन्दोलनका धरोहर कमरेड पुष्पलाल, कमरेड मनमोहन अधिकारी र जननेता कमरेड मदन भण्डारीलगायत आदरणीय अमर सहिद एवं आन्दोलनमा योगदान पुयाउनुहुने अग्रजहरूलाई यस अवसरमा स्मरण गर्दै उच्च सम्मान गर्न चाहन्छौं ।”
एकीकृत समाजवादीले आफ्नो घोषणापत्रमा पुष्पलाल, मनमोहन अधिकारी र मदन भण्डारीको तस्बिर पनि राखेको छ ।
यस्तो छ घोषणापत्र
वि.सं.२०७९ वैशाख ६ मंगलवार १५:२७ मा प्रकाशित
