हामी सबैकाे संसारन्यूज

काठमाडौं । आठौं महिला युवा उद्यमी सम्मेलन हुने भएको छ । सम्मेलन नेपाली युवा उद्यमी मञ्च ( एनवाइइएफ)को आयोजनामा यहि वैशाख १० गते ह्यात प्यालेस, सोल्टीमोडमा हुने भएको हो ।

सम्मेलनमा निर्माण कार्य, शारिरिक व्यायाम, कृषि, परामर्शदाता, अनुसन्धान क्षेत्रमा संलग्न महिला यूवा उद्यमीहरुको सहभागिता रहने आयोजकले जनाएको छ । राष्ट्रिय वाणिज्य बैंक, अन्तर्राष्ट्रिय मजदुर संगठन र युनाइटेड इन्स्योरेन्सलगायतले प्रायोजन गरेको उक्त सम्मेलनमा १५० भन्दा बढी उद्योगी व्यवसायीहरुको उपस्थिति रहने अपक्षा आयोजकले गरेको छ ।

सम्मेलनमा गोल्डस्टारको तर्फबाट विधुषी राना, आमाको अचारको तर्फबाट संगिता पाण्डे, महिला उद्धमी महासंघ का अध्यक्ष निरु रायमाझी खत्री, एफवान सफ्ट इन्टरनेशनलबाट सुभाष शर्मा, दराज नेपालको तर्फबाट प्रमुख कार्यकारी अधिकृत आचल कुँवरले आफ्ना अनुभव, कार्यशाला तथा सारगर्भित विचार व्यक्त गर्ने कार्यक्रम छ । नेपाली युवा उद्यमी मञ्च (एनवाइइएफ)ले सन् २०१३ देखि महिला युवा उद्यमी सम्मेलन आयोजना गर्दै आएको छ ।