हामी सबैकाे संसारन्यूज

काठमाडौँ । नेपाल बीमा प्रधिकराणले बुधबार सार्वजानिका गरेको तथ्याङ्क अनुसार बीमा व्यवसायको केन्द्र अझै पनि बागमती प्रदेश नै देखिएको छ ।

सातै वटा प्रदेशमा कुल जारी भएका बीमालेख र संकलन भएको बीमाशुल्क दुवैमा बागमती प्रदेशको हिस्सा उल्लेख्य उक्त विवराण देखाएको हो ।

बागमती प्रदेशमा मात्र ९ लाख १५ हजार ५४८ बीमालेखबाट २४ अर्ब ७७ करोड ७७ लाख रुपैयाँ बीमाशुल्क संकलन भएको छ भने कोशी प्रदेशले ३ लाख ३४ हजार ६११ बीमालेखबाट ३ अर्ब १७ करोड ८६ लाख रुपैयाँ संकलन गरेको छ ।

सबैभन्दा कम कर्णाली प्रदेशले ४५ हजार ३०७ बीमालेखबाट ३५ करोड २० लाख रुपैयाँ मात्र संकलन गरेको छ, जुन अन्य प्रदेशको तुलनामा निकै कम हो ।

क्षेत्रगत व्यवसायमा ’मोटर बीमा’ अगाडि
तथ्याङ्क अनुसार निर्जीवन बीमा व्यवसायमा सबैभन्दा ठूलो हिस्सा मोटर बीमाले ओगटेको छ । मोटर बीमा मार्फत मात्र ११ अर्ब ६२ करोड ९३ लाख रुपैयाँ संकलन भएको छ । त्यस्तै सम्पत्ति बीमाबाट ८ अर्ब ७१ करोड ९९ लाख रुपैयाँ संकलन हुँदा कृषि तथा बाली बीमाको हिस्सा भने १ अर्ब २६ करोड १० लाख रुपैयाँ मात्र रहेको देखिएको छ ।

प्रकाशित यो तथ्याङ्कले नेपाली बीमा बजारमा निर्जीवन बीमाको दायरा क्रमशः विस्तार हुँदै गएको र विशेष गरी सहरी क्षेत्रमा बीमाको पहुँच बलियो बन्दै गएको देखाउँछ ।