हामी सबैकाे संसारन्यूज

काठमाडौँ । नेपालका निर्जीवन बीमा कम्पनीहरूले चालू आर्थिक वर्ष २०८२÷८३ को चैत महिनामा उत्साहजनक व्यवसाय गरेका छन् ।

नेपाल बीमा प्राधिकरणले बुधबार सार्वजनिक गरेको पछिल्लो तथ्याङ्क अनुसार नेपालमा संचालमा रहेका निर्जीवन र लघु निर्जीवन बीमा कम्पनीहरूले चैत महिनामा मात्रै कुल ५ अर्ब ७ करोड ८७ लाख रुपैयाँ बराबरको कुल बीमाशुल्क संकलन गरेका हुन् ।

चैत महिनामा मात्रै कुल ५ अर्ब ७ करोड ८७ लाख रुपैयाँ बराबरको कुल बीमाशुल्क संकलन गरेका हुन् ।

तथ्याङ्क अनुसार चैत मसान्तसम्ममा निर्जीवन बीमा क्षेत्रको कुल व्यवसाय ३७ अर्ब ५६ करोड ८९ लाख रुपैयाँ पुगेको छ ।

कम्पनीहरूको उत्साजनक प्रदर्शन

चैत महिनामा मात्र हाल सञ्चालनमा रहेका १४ वटा निर्जीवन बीमा कम्पनीहरूले कुल ४ अर्ब ८७ करोड १६ लाख रुपैयाँ बीमाशुल्क आर्जन गरेका छन् । चालु आर्थिक वर्षको चैत मसान्तसम्मको कुल तथ्याङ्क हेर्दा यी कम्पनीहरूले ३७ अर्ब ५ करोड २० लाख रुपैयाँ बराबरको व्यवसाय गरेका छन् ।

सबै भन्दा धेरै कमाउने शिखर इन्स्योरेन्स

प्रकाशित तथ्याङ्क अनुसार सबैभन्दा धेरै व्यवसाय गर्ने कम्पनीहरूको सूचीमा शिखर इन्स्योरेन्स अग्रस्थानमा देखिएको छ । शिखरले चैत मसान्तसम्म ४ अर्ब ८० करोड १२ लाख रुपैयाँ कुल बीमाशुल्क संकलन गरेको छ । त्यस्तै, सगरमाथा लुम्बिनी इन्स्योरेन्स (सलिको)ले ३ अर्ब ६३ करोड २३ लाख र हिमालयन एभरेष्ट इन्स्योरेन्सले ३ अर्ब ६४ करोड ३० लाख रुपैयाँ संकलन गरेका छन् ।

लघु बीमाको बढ्दो आकर्षण

लघु निर्जीवन बीमा व्यवसायतर्फ पनि आकर्षण बढ्दो देखिएको छ । चैत महिनामा मात्रै लघु बीमा कम्पनीहरूले २० करोड ७० लाख रुपैयाँ बीमाशुल्क संकलन गरेका छन् । चैत मसान्तसम्ममा यी कम्पनीहरूको कुल व्यवसाय ५१ करोड ६९ लाख रुपैयाँ पुगेको छ । लघु बीमामा प्रोटेक्टिभ माइक्रो इन्स्योरेन्स ले सबैभन्दा धेरै २ करोड ७८ लाख रुपैयाँ (चैत मसान्तसम्म) संकलन गर्न सफल भएको छ ।