हामी सबैकाे संसारन्यूज

काठमाडौं । स्थानीय तह चुनावका सन्दर्भमा जनता समाजवादी पार्टी नेपाल (जसपा)ले चुनावी घोषणापत्र सार्वजनिक गरेको छ । जसपाले घोषणापत्रमा नागरिकलाई घर घरमै पुगेर सरकारी सेवा दिने बताएको छ ।

जन्मदर्ता, मृत्युदर्ता जस्ता आधारभूत सेवा घरमै पुगेर दिने प्रतिवद्धता गरिएको छ । त्यस्तै, शुद्ध पिउने पानीको सुविधा नपुगेका घरबस्तीमा खानेपानी सुविधा पुर्‍याइने प्रतिबद्धता पनि घोषणापत्रमा व्यक्त गरिएको छ।

“सार्वजनिक खानेपानी आयोजनाबाट वितरित खानेपानीको २०० रुपैयाँ सम्मको खानेपानी बिल निशुल्क गरिने छ। आधुनिक शौचालय सुविधा नपुगेका घरपरिवारलाई शौचालय निर्माण गर्न रु १० हजारको अनुदान दिइने छ”, भनिएको छ।

हरेक स्थानीय तहमा बर्थिङ सेन्टर बनाउने पनि प्रतिवद्धता गरिएको छ । विद्यालय र टोलटोलमा निःशुल्क इन्टरनेट सेवा दिने घोषणापत्रमा उल्लेख छ । देशको आर्थिक विकासका लागि संघीय, प्रादेशिक तथा स्थानीय सरकार, निजी क्षेत्र र जनसमुदायको संयुक्त प्रयास र साझेदारीमा उपलब्ध प्राकृतिक एव मानवीय स्रोत साधनको प्रभावकारी परिचालन गर्ने नीति लिने उसको घोषणापत्रमा उल्लेख छ ।

यस्तो छ घोषणापत्र