हामी सबैकाे संसारन्यूज

काठमाडौं । नेकपा एमालेले दोलखाका सबै स्थानीयतहमा उम्मेदवारको टुंगो लगाएको छ ।

आगामी बैशाख ३० गते हुने स्थानीयतहको निर्वाचनका लागि दोलखाका ७ गाउँपालिका र २ नगरपालिकामा सर्वसम्मत रुपमा उम्मेदवारको टुंगो लगाएको हो ।

एमाले दोलखाले भीमेश्वर नगरपालिका प्रमुखमा भरत केसी र उपप्रमुखमा कमला बस्नेत, जिरी नगरपालिका प्रमुखमा मित्र जिरेल र उपप्रमुखमा कृष्णमाया बुढाथोकीलाई सर्वसम्मत उम्देवार बनाएको छ ।

त्यसैगरी शैलुङ गाउँपालिकाको अध्यक्षमा धन बहादुर तामाङ र उपाध्यक्षमा पार्वती कार्की थापा, कालीञ्चोक गाउँपालिकाको अध्यक्षमा गणेश शिवाकोटी र उपाध्यक्षमा कविता थामी, बिगु गाउँपालिकामा अध्यक्ष अच्युतम केसी र उपाध्यक्षमा देविका थामी, मेलुङ गाउँपालिकाको अध्यक्षमा हिरा कुमार थोकर र उपाध्यक्षमा गायत्री आचार्यलाई उम्मेदवार बनाएको छ ।

त्यस्तै तामाकोसी गाउँपालिकाको अध्यक्षमा अभिषेक सुवेदी र उपाध्यक्षमा अम्बिका पोखरेल, गौरीशंकर गाउँपालिकाको अध्यक्षमा जंग गुरुङ र उपाध्यक्षमा मुना शिवाकोटी र बैतेश्वर गाउँपालिकाको अध्यक्षमा माधव प्रसाद घिमिरे र उपाध्यक्षमा नविना लामाको नाम टुंगो लगाइएको एमाले दोलखाका नेता होम पाठकले जानकारी दिएका छन् ।