हामी सबैकाे संसारन्यूज

काठमाडौं । नेपाली कांग्रेसले यहि बैशाख ३० गते हुने स्थानीयतहको निर्वाचनमा बागी उम्मेदवार दिएका नेता तथा कार्यकर्तालाई उम्मेदवारी फिर्ता लिन आग्रह गरेको छ ।

स्थानीयतहको निर्वाचनका लागि देशका विभिन्न स्थानमा पार्टीका उम्मेदवार विरुद्ध बागी उम्मेदवारी दिएका आफ्ना नेता तथा कार्यकर्तालाई यदि उम्मेदवारी फिर्ता नलिएमा पार्टीबाट स्वतः निष्काशित हुने चेतावनी समेत दिएको छ ।

‘तोकिएको मिति र समयभित्र आफ्नो उम्मेदवारी फिर्ता नलिएमा त्यस्ता विद्रोही उम्मेदवार, नीजको प्रस्तावक र समर्थकको पार्टी सदस्यता नेपाली काग्रेसको विधान, २०१७ (संशोधनसहित) को धारा ४ (१३) (ग) बमोजिम समाप्त भई पार्टीबाट स्वतः निष्काशित हुने व्यहोरो जानकारी गराइन्छ ।’कांग्रेसका मुख्य सचिव कृष्ण प्रसाद पौडेलद्धारा जारी विज्ञप्तिमा भनिएको छ ।