हामी सबैकाे संसारन्यूज

१६ वैशाख, काठमाडौँ । दिल्ली क्यापिटल्सले २०२२ को आईपिएलमा आफ्नो चौँथो जित हासिल गरेको छ । दिल्लीले कोलकत्ता नाइट राइडर्सलाई ४ विकेटले पराजित गर्दै आफ्नो चौँथो जित हासिल गरेको हो ।

टस हारेर पहिले ब्याटिङ्ग गरेको कोलकत्ताले २० ओभरमा ९ विकेट गुमाएर १४६ रन बनाएको थियो । कोलकत्ताका लागि ब्याटिङ्गमा नितिश राणाले सर्वाधिक ५७ रन बनाएका थिए । दिल्लीका लागि कुलदिप यादवले घातक बलिङ्ग गर्दै ३ ओभरमा १४ रन खर्चेर सर्वाधिक ४ विकेट हात पारेका थिए ।
कोलकत्ताले दिएको १४७ रनको लक्ष्य दिल्लीले १९ ओभरमा ६ विकेट गुमाएर पुरा गर्यो । दिल्लीका लागि ब्याटिङ्गमा डेविड वार्नर सर्वाधिक ४२ रन बनाएका थिए भने कोलकत्ताका लागि बलिङ्गमा उमेश यादवले सर्वाधिक ३ विकेट हात पारेका थिए ।

जितसँगै दिल्लीका क्यापिटल्स ८ खेलबाट ८ अकं जोड्दैँ अकं तालिकाको छैँठौ स्थानमा उक्लिएको छ भने कोलकत्ता ९ खेलबाट ६ अकं जोड्दैँ अकं तालिकाको आठौँ स्थानमा झरेको छ ।