हामी सबैकाे संसारन्यूज

काठमाडौं । विश्वका अन्य देशसँगै अब चीनमा पनि कोरोना महामारीलेले संकट निम्त्याउन थालेको छ । कोरोना कहर डरलाग्दो गरि बढेसँगै चीनले २७ सहरमा कडा लकडाउन गरेको छ । लकडाउनको समयमा, कडाई यति धेरै छ कि १६ करोड बढी मानिस आफ्नो घरमा कैद हुन बाध्य छन्।

सरकारको कडा नीति र शून्य कोभिड नीतिले नागरिकलाई समस्या निम्त्याइरहेको छ । खाद्यान्न सङ्कलन गर्न नसक्नेले निकै मुस्किलले खाना पाउनु पर्ने अवस्था छ ।

चीनले शून्य कोभिड नीतिअन्तर्गत अत्याचार

महामारीको समयमा, चीन आफ्नो शून्य कोविड नीतिमा अडिग छ। यसअन्तर्गत भाइरसबाट बच्न लकडाउन, सामूहिक परीक्षण, क्वारेन्टाइन र नाका बन्द गर्ने, मानिसलाई घरबाट बाहिर निस्कन निषेध गर्ने, नियम तोडे चर्को जरिवाना र जेल हाल्ने जस्ता कडा कदम चालिएको छ ।

चीनको कडाइका बाबजुद पनि कोरोना संक्रमणको गति घटिरहेको छैन । यस्ता कडा प्रतिबन्धका कारण जनता भोकै बस्न बाध्य भएको सञ्चार माध्यमले लेखेका छन् ।

चीनमा मार्चको सुरुवातदेखि कोरोना महामारीको अर्को रुप देखिएको थियो । देशमा संक्रमणको गति सन् २०२० को सुरुवातीमा देखिए जस्तो भएको बताइएको छ ।