हामी सबैकाे संसारन्यूज

काठमाडौं । सत्तारुढ गठबन्धनले स्थानीयतहको निर्वाचनमा समझदारी अनुरुप काम गर्ने निर्देशन दिने निर्णय गरेको छ ।

गठबन्धनभित्र नेपाली कांग्रेसका नेता रामचन्द्र पौडेलको संयोजकत्वमा बनेको स्थानीयतह निर्वाचन तयारी तथा अनुगमन समितिकोे आइतबार बिहान बसेको बैठकले सो निर्णय गरेको हो ।

‘पाँच दलीय गठबन्धनमा समझदारी भएको तर समझदारी अनुरुप उम्मेदवारी फिर्ता नलिएको तथा फिर्ता लिने समय अपुग भएका स्थानहरुमा समझदारी अनरुप कार्य गर्न गराउन आ–आफ्ना दलले आ–आफ्ना मातहतका निकायहरुलाई निर्देशन दिने ।’ बैठकको निर्णयमा भनिएको छ ।

स्थानीतहमा आफ्नै दलबिरुद्ध बागी उम्मेदवारी दिएका विभिन्न जिल्लाका नेताहरुरुले उम्मेदवारी फिर्ता नलिएको र फिर्ता लिनका लागि समय नपुगेका कारण यी ठाउँमा समझदारी गरेर अघि बढ्न गठबन्धनले आज निर्देशन दिएको हो ।