Sansar News
काठमाडौं । काठमाण्डौ महानगरपालिकामा बिप्लव समुहको चुनावी अभियान शूरु भएको छ ।
बिप्लवको समर्थनमा महानगरको मेयरमा स्वतन्त्र उम्मेदवारका रुपमा खडा भएका वरिष्ठ पत्रकार निमकान्त पाण्डेले चुनावी अभियान शुरु गरेका हुन ।
उनीसंगै उमा गुरुङले उपमेयरमा प्रतिस्पर्धा गरेकी छन् । घण्टाघर चुनाव चिन्ह पाएका उनीहरु चुनाव प्रचारको अभियानमा अघि बढेका छन ।
विगत ४२ वर्षदेखि राजनीतिक पत्रकारितामा संलग्न रहँदै आएका पाण्डे तत्कालीन चौम र मशालबाट राजनैतिक आधार बनाएका ब्यक्ति हुन । उनले पछि एमाले, माले हुदै माओवादीलाई निकास दिन दरवारसंग पनि सम्बन्ध बढाएका थिए ।
राष्टियता, जनतन्त्र र जनजिवीकाको पक्षमा अटुट रुपले लाग्दै आएका पाण्डे पछिल्लो समय माक्र्सवादी एकता अभियान र एमसिसि बिरोधि अभियानमा सक्रिय रहेका छन ।
देशभक्त र जनपक्षिय उम्मेदवारलाई समर्थन गर्ने बिप्लवको नीति अनुरुप उनले सो दलको समर्थन पाएका छन भने त्यसबाहेक काठमाडौमा रहेका अरु बामपन्थीहरुको मत पाउने अपेक्षा उनले गरेका छन् ।
वि.सं.२०७९ वैशाख १९ सोमवार १०:५४ मा प्रकाशित
