हामी सबैकाे संसारन्यूज

काठमाडौं । यहि बैशाख ३० मा हुने स्थानीयतहको निर्वाचनका लागि विभिन्न पदमा उम्मेदवारी दिएका ८ हजार ३३ जनाले उम्मेदवारी फिर्ता लिएका छन् ।

स्थानीयतह निर्वाचनका लागि विभिन्न पदमा कूल एक लाख ५३ हजार १४५ जनाले उम्मेदवारी दिएकामध्ये ८ हजार ३३ जनाले उम्मेदवारी फिर्ता लिएको निर्वाचन आयोगले जनाएको छ ।

उम्मेदवारी फिर्ता लिनेमा नगरपालिका प्रमुखमा उम्मेदवारी दिएका २६८ जना, नगर उपप्रमुख पदका २०४ जना, गाउँपालिकाको अध्यक्ष पदका २८० जना, उपाध्यक्ष पदमा उम्मेदवारी दिएका २२५ जना, वडाध्यक्ष २ हजार ८३७ जना, दलित महिला सदस्य पदका ६७७ जना, महिला सदस्य पदका ९७२ जना, वडा सदस्य पदका २ हजार ५७० गरेर जम्मा ८ हजार ३३ जना रहेको निर्वाचन आयोगले जनाएको छ ।