हामी सबैकाे संसारन्यूज

पछिल्ला समय विभिन्न कामका लागि मानिस भन्दा रोर्बट परिचालन गर्ने चलन बढेको छ । यसले उद्योग संचालकलाई सहज भएपनि श्रमलाई जीविकोपार्जन गर्ने बाटो बनाएका मजदुरहरुका लागि भने यो चिन्ताको विषय बनेको छ ।

दक्षिण–पूर्वी लन्डनको एउटा गोदाममा रोबोटहरूले तालिम प्राप्त मानिसभन्दा पाँच गुणा छिटो काम गर्ने दाबी गरिएको छ । यहाँ जम्मा २ हजार रोबोटले काम गरिरहेका छन्, अर्थात् १० हजार मानिस बराबर २ हजार रोर्बट प्रयोग गरिएका छन् । यी रोबोटले दैनिक २० लाख खाद्यान्न एक ठाउँबाट अर्को ठाउँमा लैजान्छन् ।

यी रोबोटहरूले बेलायतको सबैभन्दा ठूलो किराना कम्पनी ओकाडोको गोदाममा काम गरिरहेका छन् । यो गोदाम दक्षिण–पूर्वी लन्डनमा अवस्थित छ । एरेथ, लन्डनमा रहेको यो गोदाम ५६३,००० स्क्वायर फिटको छ । यस गोदाममा रोर्बटहरू प्रयोग भइरहेका छन् । जो एल्गोरिदम द्वारा संचालित छन् । यी रोर्बटहरू ट्यांकहरूमा खानेकुराहरू उठाउँदै घुम्छन् ।

कम्पनीले ग्राहकको अर्डरको लागि सामान संकलन गर्न रोबोटसँग काम गरिरहेको छ ।

कसरी काम गर्छन् त रोर्बोट ?
रोबोटले दिनको २० घण्टा निरन्तर काम गरिरहेका छन् । आठ पाङ्ग्राको रोबोट विशाल ग्रिड जस्तो संरचनाको वरिपरि घुम्छ जसलाई ’हाइभ’ भनिन्छ । हाइभ बक्सहरूको नेटवर्क हो जहाँ ओकाडोका सबै उत्पादनहरू भण्डारण गरिन्छ – त्यहाँ जम्मा ५० हजार वस्तुहरू छन् ।

त्यहाँ भएका सबै उत्पादनहरू भुइँमा बक्सहरूमा राखिन्छन् । ग्राहकहरूले अर्डर गर्न शीर्ष वस्तुहरू चयन गर्दा रोबोटहरू वरपर दौडिन्छन् । एल्गोरिदमद्वारा सञ्चालित, रोबोटहरूले डेलिभरीको लागि किनमेल झोलाहरूमा राखिने वस्तुहरूको क्रेटहरू उठाउँछन् ।

एल्गोरिथ्मले रोबोटलाई कुन बाकस उठाएर पिकिङ स्टेशनमा लैजाने भनेर बताउँछ, जहाँ कम्प्युटर स्क्रिनले मानव कर्मचारीलाई वस्तु स्क्यान गर्न र प्रत्येक किनमेल झोलामा कति राख्ने भनेर बताउँछ ।