हामी सबैकाे संसारन्यूज

काठमाडौं । हाउजिङ व्यवसायी इच्छाराज तामाङको लगानीमा बनेको सिटीसी मल लिलामी हुने भएको छ ।

कर्मचारी सञ्चय कोषबाट ऋण लिएका तामाङले ऋण तिर्न नसकेपछि कोषले उक्त मल लिलामीमा राखेको सूचना जारी गरेको हो ।

सुन्धारामा ६ रोपनी जग्गामा बनेको उक्त सीटीसी मलको १३२ वटा पसल बोल कबोल लिलामी बिक्रीका लागि कोषले सिलबन्दी बोलपत्र आह्वान गरेको छ । कोषको सूचना अनुसार आजदेखि ३५ दिनभित्रमा लिलामीमा बोल कबोल गर्न सकिनेछ ।

पूर्व सांसद तथा सिभिल ग्रुपका अध्यक्ष समेत रहेका तामाङलाई साढे १५ अर्ब बढी ठगी गरेको आरोपमा गत असोज १८ मा केन्द्रीय अनुसन्धान ब्यूरो (सीआइबी)को टोलीले पक्राउ गरेको थियो ।