हामी सबैकाे संसारन्यूज

काठमाडौं । गोप्य राखिनुपर्ने मतदानलाई फोटो खिचेर सामाजिक गर्ने पूर्वप्रधानमन्त्रीसमेत रहेका जसपा नेता डा. बाबुराम भट्टराईलाई निर्वाचन आयोगले स्पष्टीकरण सोधेको छ । आयोगले शुक्रबार दिउँसो २४ घण्टे समय सीमा राखेर स्पष्टीकरण सोधेको हो ।

पालुङटार नगरपालिका–१ अन्नपूर्णं मावि मतदान केन्द्रबाट मतदान गरेका भट्टराईले मतसंकेत गरेको तस्बिर फेसबुकमार्फत सार्वजनिक गरेका थिए ।

निर्वाचन आचारसंहितअनुसार मतसंकेत गरेको मतपत्र सार्वजनिक गरेमा १५ हजार रुपैयाँसम्म जरिवाना गर्ने व्यवस्था छ । आयोगले भट्टराईलाई “जरिवाना किन नगर्ने ?” भनि भाइबरमार्फत स्पष्टीकरण पत्र पठाएको बुझिएको छ ।

निर्वाचन आचारसंहिताअनुसार मतदान स्थलमा मोबाइल वा क्यामेरासमेत लान नपाउने व्यवस्था छ । तर, भट्टराईले ति व्यवस्थालाई उल्लंघन गरि तस्बिर खिचाएका थिए ।