हामी सबैकाे संसारन्यूज

वाग्लुङ । बाग्लुङको ताराखोला गाउँपालिकाको अध्यक्षमा धन बहादुर बिक ‘हिमाल’ को प्यानलै विजयी भएको छ ।

आइतबार बिहान प्राप्त मतगणनाको परिणाम अनुसार माओवादी केन्द्रका विकले २२८५ मत ल्याएर अध्यक्षमा निर्वाचित हुँदा बागी उम्मेदवार प्रकाश घर्तीले २०९० मत प्राप्त गरेका थिए । २०७४ मा माओवादी केन्द्रका तर्फबाट अध्यक्षमा विजयी भएका घर्तीले यस पटकको निर्वाचनमा पार्टीबाट टिकट नपाएपछि बागी उम्मेदवारी दिएका थिए ।

त्यसैगरी पालिकाको उपाध्यक्ष पदमा गठबन्धनबाट साझा उम्मेदवार बनेका कांग्रेसका भिमबहादुर रोका ३ हजार ४०३ मत ल्याएर विजयी भएका छन् ।

पाँचवटै वडाको अध्यक्षमा गठबन्धनका उम्मेदवार विजयी
पालिकाका ५ वटै वडाको अध्यक्षमा गठबन्धनका उम्मेदवार विजयी भएका छन् ।

प्राप्त मत परिणाम अनुसार वडा नं १ मा यमबहादुर श्रीष, २ मा भद्र घर्ती, ३ मा कर्णबहादुर भण्डारी, ४ मा जितबहादुर खत्री र ५ नम्बर वडा अध्यक्षमा मनबहादुर खत्री विजयी भएको बताइएको छ ।