Sansar News
काठमाडौं । काठमाडौं महानगरको मेयरमा स्वतन्त्र उम्मेदवार बालेन साह ‘बालेन्द्र’ले अग्रता कायमै राखेका छन् । अपरान्ह ५ बजे सार्वजनिक गरिएको परिणामअनुसार बालेनले ३५३२ मत ल्याएका छन् ।
उनले ल्याएको मत एमालेका उम्मेदवार केशव स्थापितले ल्याएको मतभन्दा झण्डै दोब्बर अर्थात् १६७६ बढी छ । पछिल्लो मतगणनाको नतिजाअनुसार स्थापितले हालसम्म १८५६ मत ल्याएका छन् ।
त्यस्तै, कांग्रेसकी सिर्जना सिंहले १६६८ मत पाएकी छिन् । अहिले वडा नम्बर १, २, ३, ४, ३१ र ३२ को मतगणना भइरहेको छ । तर, सबैमा बालेन अगाडि छन् ।
सम्बन्धित समाचार
वि.सं.२०७९ जेठ १ आइतवार १७:४१ मा प्रकाशित
