हामी सबैकाे संसारन्यूज

काठमाडौं । दोर्दीखोला जलविद्युत कम्पनीले सर्वसाधारणका लागि आईपीओ निष्काशन गर्ने भएको छ । कम्पनीले यहि जेठ २६ गतेदेखि सर्वसाधारणका लागि साधारण शेयर (आईपीओ) निष्काशन गर्ने भएको हो ।

कम्पनीले सर्वसाधारणका लागि २१ लाख ९५ हजार ५ सय ९ कित्ता शेयर निष्काशन गर्न लागेको हो । जस मध्ये ३५ हजार ८ सय ६५ कित्ता शेयर कम्पनीका कर्मचारीलाई छुट्याइएको छ । यस्तै १ लाख ९ हजार ७ सय ७५ कित्ता शेयर सामुहिक लगानी कोषका लागि छुट्याइएको छ । बाँकी २० लाख १९ हजार ८ सय ६९ कित्ताका लागि सर्वसाधारणले आवेदन दिन सक्ने छन् ।

शेयर खरिदका लागि न्युनतम १० कित्ता र अधिकतम १७ लाख कित्तासम्म आवेदन दिन सकिने छ । लगानीकर्ताले जेठ ३१ गतेसम्म आवेदन दिन सक्ने छन् । शेयर निष्काशनको लागि सिद्धार्थ क्यापिटल बिक्रि प्रबन्धक रहेको छ ।

कम्पनीले लमजुङको दोर्दी गाउँपालिकामा १२ मेगावाट क्षमताको दोर्दी १ जलविद्युत आयोजना निर्माण गरिरहेको छ ।