हामी सबैकाे संसारन्यूज

काठमाडौं । नेपाल निर्माण व्यवसायी महासंघले राष्ट्रिय गौरवका आयोजना लगायतका निर्माणका काम ठप्प हुने चेतावनी दिएको छ ।

इन्धनमा भएको मूल्यवृद्दिले व्यवसाय नै ठप्प हुने अवस्थामा पुगेको भन्दै महासंघले मूल्य वृद्दिका कारण मुलुकभर संचालित राष्ट्रिय गौरवका आयोजनाहरु एवं अति जरुरीका निर्माण परियोजनाहरु पनि बन्द हुने स्थिति उत्पन्न भएको जनाएको छ ।

‘निरन्तर मूल्य वृद्दि भइरहे पनि सरकारले निर्माण व्यवसायीलाई कुनै राहत दिन नसकेबाट समग्र निर्माण उद्योगको विकासप्रति नै सरकारको उदासिनता पुष्टि भएको छ,’ महासंघद्धारा जारी विज्ञप्तिमा भनिएको छ, ‘अप्रत्यासित रुपमा निरन्तर भइरहेको मूल्यवृद्दिका कारण घर, जमिन तथा अन्य जायजेथा धितोमा राखेर निर्माण व्यवसायमा संलग्न देशभरका हजारौं निर्माण व्यवसायीहरु, तिनका परिवा र तिनमा आश्रित लाखौ श्रमिकहरुको बिचल्ली हुने निश्चित छ। ’