हामी सबैकाे संसारन्यूज

काठमाडौं । मन्त्रिपरिषद्को सोमबारको बैठकले एसपीपी अघि नबढाउने लगायतका विभिन्न सात निर्णय गरेको छ ।

सरकारका प्रवक्ता तथा सञ्चार तथा सूचना प्रविधिमन्त्री ज्ञानेन्द्र बहादुर कार्कीले मंगलबार बिहान मन्त्रिपरिषदको बैठकले गरेको सात निर्णयहरु सार्वजनिक गरेका हुन् ।

मन्त्रिपरिषद्को बैठकले गरेको उक्त सात निर्णयको पहिलो नम्बरमा संयुक्त राज्य अमेरिकाको स्टेट पार्टनरसिप प्रोग्राम (एसपीपी) अघि नबढाउने निर्णय गरेको रहेको छ ।

त्यसैगरी दोस्रो नम्बरमा सबै सरकारी निकायले कूटनीतिक सम्बन्धका विषयमा पत्राचार गर्दा अनिवार्यरुपमा परराष्ट्र मन्त्रालय मार्फत गर्ने रहेको छ भने नंम्बर ३ मा. नेपाल प्रशासन सेवा समूहीकरण तर्फको राजपत्राङ्कित विशिष्ट श्रेणीको पदमा सहसचिव विनोदप्रकाश सिंहलाई बढुवा गर्ने निर्णय गरेको छ ।

त्यस्तै निर्णय नम्बर ४ मा .नेपालको शिक्षा क्षेत्रको विकास तथा विश्वसामु नेपाललाई चिनाउन पु¥याएको योगदानको कदरस्वरुप जयपृथ्वी बहादुर सिंहलाई नेपालको राष्ट्रिय विभूति घोषणा गर्ने र निर्णय नम्बर ५ मा नेपाल वायु सेवा निगमका कार्यकारी अध्यक्ष युवराज अधिकारीलाई नेपाल वायुसेवा निगम, ऐन २०१९ को दफा २० बमोजिम निलम्बन गरी उनिउपर जाँचबुझको कार्य अघि बढाउने निर्णय गरेको छ ।

सोहि बैठकको निर्णय नं ६ मा कोहलपुर–सुर्खेत १३२ केभी प्रसारणलाइन आयोजनाको लागि राष्ट्रिय वन क्षेत्र प्रयोग गर्न दिने र निर्णय नम्बर ७ मा राष्ट्रिय समाचार समितिको रिक्त अध्यक्षमा धर्मेन्द्र झा (धनुषा) लाई नियुक्त गर्ने निर्णय गरेको छ ।