हामी सबैकाे संसारन्यूज

काठमाडौं । नेकपा (एकीकृत समाजवादी) भित्र मन्त्रिपरिषद् हेरफेरलाई लिएर विवाद चर्किएको छ । एसभित्रको विवादप्रति नेकपा (एमाले)का नेताहरुले पनि चासो देखाएका छन् । १० बुँदे सहमति गर्दै एमाले प्रवेश गरेका नेता योगेश भट्टराईले एसभित्रको विवादबारे पहिलो प्रतिक्रिया दिएका छन् ।

सामाजिक सञ्जालमार्फत एसभित्रको विवादबारे बोलेका भट्टराईले पार्टी विभाजन नगर्न माधव नेपाललाई अनुनयविनय गरेको सम्झिएको बताएका छन् । उनले भनेका छन्, “एमाले विभाजनको औचित्य छैन भनी दिएको तर्क अनि नेपालको कम्युनिष्ट आन्दोलनलाई तहसनहस पार्ने षड्यन्त्रको शिकार नबन्न गरेको अनुरोध र केहीभन्दा पनि उहाँले नमाने पछि कुनै दिन परिस्थिती तपाईंको काबुभन्दा बाहिर जाने छ भनेर उहाँबाट छुट्टिएको पलको स्मरण भइरहेको छ ।”

आफूले त्योबेलै चिनेका खेलाडीहरु माधव नेपाल र झलनाथ खनालले विस्तारै चिन्दै जाने पनि उनले बताए । “हेर्दै जाउँ हामीले त्यतिबेला नै चिनेका खेलाडीहरु कमरेड माधव नेपाल र कमरेड झलनाथ खनालले बिस्तारै चिन्दै जानुहुनेछ । आत्मबोध र पश्चाताप स् सिर्फ कहिले ?” योगेशको प्रश्न छ ।