Logo
२ भाद्र २०७९, बिहीबार
     Thu Aug 18 2022
E-paper
  English Edition
   Unicode
Logo

मधेशबाट किन बढारियो माओवादी ? यस्तो छ मधेश इन्चार्जको रिपोर्टिङ्ग



काठमाडौं । स्थानीय तहको निर्वाचनमा नेकपा (माओवादी केन्द्र)ले मधेश प्रदेश निकै नै अनपेक्षित नतिजा ल्यायो । ०७४ मा २१ पालिका जित्दै चौथो पार्टी बनेको माओवादी केन्द्र ०७९ मा आउँदा ९ पालिकामा सीमित हुँदै पाँचौ पार्टी बन्यो । मधेशमा माओवादी केन्द्र जनता समाजवादी पार्टी (जसपा)बाट फुटेर बनेको लोकतान्त्रिक समाजवादी पार्टीभन्दा पनि कमजोर अवस्थामा देखियो ।

मधेशबाट माओवादी केन्द्र किन बढारियो ? निर्वाचनदेखि अहिलेसम्म पनि माओवादीभित्र समीक्षा हुन सकेको थिएन । मधेश प्रदेशका इन्चार्ज गणेश शाहले आजदेखि सुरु केन्द्रीय समिति बैठकमा मधेश समीक्षाबारे रिपोर्ट प्रस्तुत गरेका छन् । शाहले आफ्नो रिपोर्टमा मधेशमा अन्तरघात भएको र अन्तरघातकै कारण माओवादीले लज्जास्पद हार व्यहोरेको बताएका छन् ।

“मधेशमा पार्टीले अपेक्षित परिणाम ल्याउन सकेन, यसको मुख्य कारण आन्तरिक असहयोग र गुटबन्दीले गर्दा नै हो”, उनले भनेका छन्, “गुटबन्दी यति बढ्यो कि पार्टीभित्र मनमुटाव तथा अन्तरसंघर्ष चुलिने अवस्था बन्यो । जुन अहिले पनि कायमै छ ।”

शाहले मधेशको नतिजाबारे गतिलो गरि समीक्षा गर्न माग गरेका छन् । “चुनावको बेला हाम्रो मधेशमा अप्रत्यासित पराजय भयो, यसबारे के गर्नुहुन्छ, केन्द्रीय समितिले निर्णय गरोस्”, उनले भनको छन्, “समीक्षा नगरी अगाडि बढ्न जटिल छ ।”

मधेशका मुख्य नेताहरुलाई राखेर पार्टी अध्यक्षले नै छलफल गर्नुपर्ने उनको भनाइ छ । उनले मधेशको विषयमा छानबिन समिति नै गठन गर्न माग गरेका छन् । दोषी देखिएकालाई कारबाही गर्नुपर्ने उनको भनाइ छ ।

शाहले प्रदेश कमिटी र पदाधिकारीको चयन तत्कालै गर्न पनि माग गरेका छन् । यदि समयमै प्रदेश कमिटी र पदाधिकारीको चयन नगरिए आगामी निर्वाचन माओवादीको निम्ति थप असहज बन्ने उनको निष्कर्ष छ ।

शाहले मधेशमा माओवादी अनुकुल नतिजा नआउनुको अर्को कारण गठबन्धन पनि रहेको बताएका छन् । मधेशमा गठबन्धन प्रभावकारी नभएको उनले बताए ।


यो खबर पढेर तपाईलाई कस्तो महसुस भयो ?

काठमाडौं । सिडिएस एन्ड क्लियरिङ लिमिटेड (सिडिएसिसी)ले सञ्‍चालन गरेको मेरो सेयरको वेबसाइट बेलुका ५ः३०

काठमाडौं । नेकपा (एकीकृत समाजवादी) ले आगामी मंसिर ४ मा हुने प्रदेश र प्रतिनिधिसभा

बैतडी । बलात्कारको आरोप लागेका पुर्चौंडी बहुमुखी क्याम्पसका प्रमुख राजेन्द्रसिंह नेगीलाई कारागार चलान गरिएको

काठमाडौं । २०७४ मा भएको प्रतिनिधिसभा निर्वाचनमा नेकपा (एमाले)ले स्याङ्जाका दुवै निर्वाचन क्षेत्र जितेको