हामी सबैकाे संसारन्यूज

काठमाडौं । परराष्ट्र मन्त्रालयको राहदानी विभागले अब १५ दिनभित्रै पासपोर्ट जिल्ला प्रशासन कार्यालयमा पुग्ने व्यवस्था रहेको जनाएको छ ।

राहदानी विभागले काठमाडौैं उपत्यकाको हकमा एक हप्ता र उपत्यका बाहिरका जिल्लामा १५ दिनभित्रमा पासर्पोट जिल्ला प्रशासन कार्यालयमा पुग्ने बताउँदै अत्यावस्यकमा मात्र काठमाडौं आउन अनुरोध गरेको छ ।

‘जिल्ला प्रशासन कार्यालयबाट आवेदन भएका राहदानीहरु विभागले प्रत्येक हप्ता प्रिन्ट गरी पठाउने व्यवस्था गरेकाले काठमाडौं उप्रत्यकाभित्रका जिल्ला र काभ्रेमा आवेदन गर्नेले १ हप्ता भित्रमा र अन्य जिल्लाको हकमा १० देखि १५ दिनभित्रै राहदानी प्राप्त गर्ने सुनिश्चितता मिलाइएको छ,’ विभागका प्रवक्ता सरदराज आरनद्धारा आइतबार जारी विज्ञप्तिमा भनिएको छ, ‘यर्सथ अत्यन्त जरुरी परेका सेवाग्राहीहरुले राहदानी विभागबाट आवेदन गर्नुहुन र अन्य काम जरुरी हुनेले आफ्नो सम्बन्धीत जिल्ला प्रशासन कार्यालयबाटै सहज रुपमा राहदानी प्राप्त गर्न सकिने हुँदा सो सेवा लिनुहुन सेवाग्राहीमा अनुरोध छ ।’