Sansar News
काठमाडौं । दुवईबाट नेपाल आएका एक व्यक्तिले टाकमा सुन लुकाएर ल्याएको अवस्थामा त्रिभुवन विमानस्थलबाट पक्राउ परेका छन् ।
भिजिट भिसामा दुवई गएर फर्किएका सुमन दमाई भन्ने व्यक्तिले बच्चाको कपडाको टाकमा सुन लुकाएर ल्याएको अवस्थामा पक्राउ परेका हुन् ।
त्रिभुवन अन्तर्राष्ट्रिय भन्सार कार्यालयका अनुसार दुबईबाट काठमाडौं आएका उनको लगेज चेक गर्ने क्रममा बच्चाको पाँचवटा सिंगल पिस कपडामा १२५ ग्राम सुन फेला परेको हो ।
भिजिट भिसामा दुवई पुगेका दमाईले त्यहाँ काम नपाएपछि फर्किनेक्रममा एयरपोर्टमा नचिनेको व्यक्तिले आफन्तको बच्चाको लागि कपडा नेपालसम्म पुर्यादिन भनेपछि लिएर आएको प्रहरी समक्ष बयान दिएका छन् ।
उनले ल्याएको कपडाको बटनको भित्रि भागमा सुनको ६० वटा रिङ बनाएर फिट गरेको अवस्थामा भेटिएको प्रहरीले जनाएको छ ।
वि.सं.२०७९ असार २० सोमवार १६:१६ मा प्रकाशित
