हामी सबैकाे संसारन्यूज

काठमाडौं । स्थानीय तहको निर्वाचनमा पार्टीमाथि अन्तर्घात गरेको आरोपमा जनता समाजवादी पार्टी (जसपा) ले मधेश प्रदेशका एक सांसदलाई कारबाही गरेको छ ।

जसपाले महोत्तरी निर्वाचन क्षेत्र नम्बर ४ बाट प्रदेशसभा सदस्य रहेका कौशलकुमार यादवलाई महोत्तरी पार्टी कार्यसम्पादन समितिको बैठकले पार्टीको साधारण सदस्य समेत नरहने गरी पार्टीबाट निष्कासन गरेको हो ।

‘जनता समाजवादी पार्टी नेपाल महोत्तरी कार्य सम्पादन समितिको बैठकबाट २०७९ बैशाख ३० गते भएको स्थानीय निर्वाचनमा तपसील अनुसारको पार्टीको अन्तरिम विधान २०७७ को परिच्छेद ३ सदस्यता सम्बन्धी व्यवस्थाको धारा १० को बुँदा नं २ परिच्छेद ८ को अनुशासनको कार्वाहीको धारा ४९ को बुँदा नं १,२,३ र ७ आकृष्ट भएको हुँदा तपसील अनुसारको व्यक्तिहरुलाई आजको मितिबाट साधारण सदस्यताबाट समेत निष्कासन गरिएको जानकारी छ ।’ कारबाही पत्रमा भनिएको छ ।