हामी सबैकाे संसारन्यूज

काठमाडौं । नेकपा (माओवादी केन्द्र) को केन्द्रीय समितिको बैठक आज  १ बजे बस्दैछ ।

काठमाडौंको कमलादीस्थित प्रज्ञा भवनमा आइतबारदेखि बसेको केन्द्रीय समितिको बैठक आज अन्तिमदिन पार्टीका अध्यक्ष पुष्पकमल दाहाल ‘प्रचण्ड’ ले जवाफ दिने बताइएको छ ।

असार १९ देखि २१ गतेसम्मका लागि डाकिएको उक्त बैठक २१ गते मंगलबार भने स्थगित गरिएको थियो । बैठकमा सहभागी अधिकांशले सोहि बैठकले पदाधिकारी चयन गर्नुपर्ने दवाव दिएपछि मंगलबारको बैठक स्थगीत गरेका अध्यक्ष प्रचण्डले पदाधिकारीको टुंगो लगाउन खुमलटारमा पूर्वस्थायी समिति सदस्यको बैठक बोलाएका थिए ।

बैठकले पदाधिकारीको टुंगो लगाउने जिम्मा प्रचण्डलाई नै दिएको थियो । प्रचण्डले पदाधिकारी तथा स्थायी समिति सदस्यहरुको नाम आजको बैठकमा प्रस्ताव गर्ने सम्भावना रहेको बताइएको छ ।

सोमबारको बैठकमा अधिकांश केन्द्रीय सदस्यहरुले पार्टीभित्र पदाधिकारीको छिट्टै टुंगो लगाउनुपर्ने तथा पार्टीलाई भद्रगोल अवस्थामा राख्न नहुने भन्दै नेतृत्वलाई पदाधिकारी चयनका लागि दवाव दिएका थिए ।

गत पुसमा आठौ महाधिबेशन सम्पन्न गरेको माओवादी केन्द्रको यसअघि दुईवटा केन्द्रीय समितिको बैठक बसेपनि पदाधिकारीको टुंगो लगाउन सकेको थिएन ।