हामी सबैकाे संसारन्यूज

काठमाडौं । जापानका पूर्वप्रधानमन्त्री शिन्जो आबेको शुक्रबार गोली हानी हत्या गरिएको छ । जापानी सहर नारामा आबेले एक र्‍यालीलाई सम्बोधन गरिरहेका बेला उक्त घटना भएको हो । घटनामा संलग्नलाई प्रहरीले घटनास्थलबाट पक्राउ गरेको छ । आक्रमणकारीले पूर्वप्रधानमन्त्रीलाई पछाडिबाट गोली हानेका थिए । उनको साथबाट प्रहरीले पेस्तोल समेत बरामद गरेको छ ।

पूर्व प्रधानमन्त्री शिन्जो आबेले शुक्रबार स्थानीय समयअनुसार बिहान ११ः३० बजे नारा शहरमा कन्सुलर चुनावका लागि भाषण दिइरहेका थिए । नारा शहरको यमातोसैदाइजी स्टेशन नजिकै र्‍याली निकालिएको थियो । भाषण गरिरहेका बेला उनीमाथि आक्रमण भएको थियो । उनको तीन घण्टा अस्पतालमा उपचार भए पनि उनको ज्यान बचाउन सकिएन ।

दस मिनेटभित्र गोली प्रहार

जापान टाइम्सका अनुसार घटनाको समयमा योमिउरी शिम्बुन घटनास्थलमा थिए। उनले पूर्व प्रधानमन्त्री शिन्जो आबे बिहान ११।२० बजे घटनास्थल पुगेको जानकारी दिए । उनले लिबरल डेमोक्र्याटिक पार्टीको कन्सुलर उम्मेदवार परिचय गराउन थालेपछि एक युवकले पछाडिबाट गोली हानेका थिए । त्यतिबेला ठूलो आवाज सुनियो । युवकसँग लामो ट्यूब जस्तो हतियार थियो।

१५ मिनेटपछि एम्बुलेन्स आइपुग्यो

जापानी पत्रकार योमिउरी शिम्बुनका अनुसार पूर्वप्रधानमन्त्रीलाई गोली लागेको १५ मिनेटपछि एम्बुलेन्स आइपुग्यो । यससँगै उनलाई अस्पताल लगियो । त्यतिन्जेल धेरै रगत बगिसकेको थियो । गोली लागेपछि आबेलाई हृदयघात पनि भएको थियो । ६७ वर्षीय आबे पहिलेदेखि नै गम्भीर रोगसँग लडिरहेका थिए।

को हुन् आक्रमणकारी ?

जापान टाइम्सका अनुसार शिन्जो आबेलाई गोली हानेर हत्या गर्ने संदिग्धको नाम तेत्सुया यामागामी रहेको छ। उनको उमेर ४१ वर्ष छ । उनी नारा शहरका बासिन्दा हुन् । प्रहरीले उनीसँग अझै सोधपुछ गरिरहेको छ । उनी जापानी नौसेनाका पूर्वसैनिक भएको बताइएको छ । उनी सन् २००५ मा रिटायर भएका थिए ।

जापानी सञ्चारमाध्यमका अनुसार आरोपीले सोधपुछका क्रममा हत्याको प्रयास गरेको स्वीकार गरेका छन् । उनले आबेसँग आफू असन्तुष्ट रहेको बताए। मिडिया रिपोर्टका अनुसार सिन्जो आबेलाई गोली हानेर हत्या गर्ने व्यक्ति पत्रकारको रुपमा कार्यक्रममा पुगेका थिए । उनले साथमा बन्दुक बोकेका थिए । एजेन्सीबाट