Sansar News
काठमाडौं । प्रतिनिधिसभाको उपसभामुखमा एमालेबाट विद्या भट्टराईले उम्मेदवारी दर्ता गराएकी छन् ।
उपभामुखका लागि शुक्रबार हुने निर्वाचनका लागि भट्टराईले पार्टीका तर्फबाट बिहीबार नयाँ वानेश्वरस्थित संघीय संसद भवनमा उपसभामुखमा उम्मेदवारी दर्ता गराएकी हुन् ।
एमालेकी सचेतक शान्ता चौधरी प्रस्तावक र सांसद कृष्णभक्त पोखरेलको समर्थनमा भट्टराईले उम्मेदवारी दर्ता गराएकी हुन् ।
एमालेले यसअघि उपसभामुखमा लोसपाकी सांसद चन्दा चौधरीलाई समर्थन गर्ने भनेपनि अन्तिममा विद्या भट्टराईलाई उम्मेदवार बनाएको हो ।
त्यसैगरी सत्ता गठबन्धनबाट नेपाली कांग्रेसकी नेतृ पुष्पा भुसालले यसअघि नै उपसभामुखमा उम्मेदवारी दर्ता गराएकी छन् । भुसालको प्रस्तावमा नेकपा माओवादी केन्द्रका नेता देवप्रसाद गुरुङ र समर्थनमा (एकीकृत समाजवादी) की लक्ष्मीकुमारी चौधरी रहेकी छन् ।
कांग्रेसकी पुष्पा भुसालले उपसभामुखमा गरिन् मनोनयन दर्ता, प्रस्तावक देव गुरुङ
वि.सं.२०७९ असार ३० बिहीवार १४:१७ मा प्रकाशित
